AJIMEZ ARTE

Crítica

Imagen

Consuelo Vega Díez

Más qu´un escritor asturianu

0 comentarios

Un nome fundamental de la lliteratura de les últimes décades


Publicado en La Nueva España



De manera inesperada, llega la noticia de que morrió Nel Amaro. Nun paez posible, de mano, que llegue a faltar una persona tan vital, tan enérxica y activa; pero dende la pena y la tristura quiero, anque seya de manera apresurada, facer una primer valoración de quién ye y qué representa pa la vida cultural asturiana. 

Nel Amaro ye más qu'un escritor asturianu. Pa empezar, porque ye más un creador que simplemente un escritor; esto ye, escribe poesía, novela y teatru, pero cultiva tamién, sobremanera nos años últimos, la poesía visual, les performances, les instalaciones y, en xeneral, toa mena d'esperimentalismu poéticu. Mesmo nes sos primeres collaboraciones lliteraries espardides en revistes que nos diferentes llibros publicaos, Nel Amaro representó mui bien los meyores valores del Surdimientu: conciencia llingüística, voluntá artística, apegu a Asturies y lo asturiano xunto cola renovación temática y formal que ye característica de la so obra; una obra que dialoga colos más diferentes autores, disciplines y referencies culturales. Valga d'exemplu'l conocíu títulu d'un llibru de poemes: «Y tu, Marta B., qu'entoncies nun yeres, tampocu, l'Anna Karina de les películes de Jean Luc Godard». 

Nel Amaro ta ente los nomes fundamentales de la lliteratura asturiana de les últimes décades, y eso ye méritu abondu. Pero amás d'ello, de Nel Amaro hai que destacar la personalidá carnal, xenerosa, ensin llendes. Yera un activista de la cultura y de la xusticia, socialmente comprometíu y militantemente críticu en prosa y en versu, na vida diaria y na lliteratura. Participió en sinfinidá de proyectos; animó, orientó o emburrió a bona parte de les persones qu'agora tán escribiendo; y son lexendarios esos correos electrónicos, verdaderes revistes culturales dixitales nestos tiempos tovía analóxicos por demás. 

El mundu de la cultura asturiana pierde al escritor de calidá y, a la vez, al activista cultural inquietu y a una de les voces más orixinales en llingua asturiana.


Volver

Comentarios

No hay comentarios a esta critica

Si lo deseas, puedes enviar un comentario a critica:

Envía esta referencia